Ардаас асуудаг түгээмэл асуултуудад хариуллаа

1. DAX.mn -ээс хэрхэн бусад биржрүү ARDX, ETH, USDT, BTC зарлага хийх вэ?

Бусад бирж рүү шилжүүлэг хийхдээ дараах дарааллын дагуу шилжүүлнэ.

• Алхам 1: DAX.mn дээрх ХЭТЭВЧ дээр дарж орно

• Алхам 2:Шилжүүлэг хийх дүнгээ ХЭТЭВЧ дотор байрлах КРИПТО ЗАРЛАГА хэсэгт дарж ороод хэтэвчний дугаарыг алдаагүй хуулж оруулна. Жишээ нь: /1x9e23a2ce8da15a38785fb958f0b86b3367a-8a9/ гэх мэтээр

• Алхам 3:Гүйлгээ хийх дүн болон ТАН код оруулсны дараа гүйлгээ амжилттай хийгдэнэ.

2. ТАН код хэрхэн авах вэ?  

• Алхам 1:Ард Апп руу нэвтэрнэ

• Алхам 2:Баруун доор байрлах ҮЙЛЧИЛГЭЭ цэс рүү орно

• Алхам 3:ТАН товчийг дарж орно

Мөн та бирж хоорондын Крипто шилжүүлгийн шимтгэл нөхцөлийг Dax.mn-ний нэвтрэх дэлгэцийн доор байрлах ШИМТГЭЛ хэсгээс харах боломжтой.

3. iDAX хэрхэн Google authentication code авах вэ?

• Алхам 1: www.idax.exchange хуудас руу өөрийн бүртгэлээр нэвтрэн баруун дээд буланд байрлах “Профайл” хэсэгрүү орно.

• Алхам 2: Google Authenticator хэсгийн Холбох товчийг дарснаар таны хаягийг холбох QR болон түлхүүр код бүхий цонх гарч ирнэ

• Алхам 3: Google Authenticator аппликэйшныг утсандаа татах 

• Алхам 4: Аппликэйшн рүү нэвтрээд /+/ товчийг дарж, IDAX дээрх QR кодыг уншуулж эсвэл түлхүүр кодыг оруулж холболтоо хийнэ.

• Алхам 5: Google Authenticator холбох хэсэгт Нэвтрэх нууц үг болон Google Authenticator Аппын 6 оронтой кодыг оруулан, Холбох товчийг дарснаар таны холболт амжилттай хийгдэх болно.

4. iDAX хэтэвчнээс хэрхэн DAX хэтэвчрүү MONT болон бусад криптовалютын зарлага хийх вэ?

• Алхам 1: dax.mn платформд нэвтрэн, баруун дээд буланд байрлах “Хэтэвч” хэсэг рүү орно

• Алхам 2: Нийт хөрөнгийн жагсаалт болон үлдэгдэл харагдах ба шилжүүлэг хийх криптовалютыг сонгон Орлого товчийг дарна.

• Алхам 3: Орлого товчийг дарж орсны дараа QR-н доор харагдах үсэг тоо холилдсон кодыг хуулж авна

• Алхам 4: www.idax.exchange рүү өөрийн бүртгэлээр нэвтэрч ороод баруун дээд буланд байрлах Хэтэвч хэсэг рүү орно. 

• Алхам 5: Хадгалагдсан хаяг хэсэгт хуулсан хаягаа оруулан баталгаажуулна

• Алхам 6: Шилжүүлэг хийх криптовалютаа сонгон Зарлага хэсгийн даран утсанд ирэх тан болон google authenticator кодуудыг оруулан өгснөөр зарлага амжилттай хийгдэх болно.

Жич : iDAX платформ дээр та өөрийн бүртгэлээ бүрэн баталгаажуулсан байх ёстойг анхаарна уу.

5. DAX.mn дээрх бүртгэлтэй дугаараа хэрхэн солих вэ?

Хэрэв та DAX.mn-д бүртгүүлсэн утасны дугаараа солих хүсэлтэй байвал 

• Цаасан дээр бичсэн өргөдөл, 

• Иргэний үнэмлэхээ барин авахуулсан селфи зурагны хамт support@dax.mn гэсэн и-мэйл хаягаар илгээх боломжтой.