8 сард инфляц 14.4% болж буурчээ

Инфляц 6 сард 16.1% хүрснээр 2010 оноос хойш хамгийн дээд түвшинд хүрээд байсан бол 7 сараас буурч эхэлсэн юм. Тэгвэл 8 сард хүнсний үнэ 5.5%-иар буурч, тээврийн үнэ 0.5%-иар буурснаар инфляц 14.4%-д хүрчээ. Харин хувцас, бөс бараа болон боловсролын үйлчилгээний үнэ өнгөрсөн сард хамгийн их өссөн байна.

Инфляцын тооцоололд бүлэг нь хүнсний бараа, түүний дараа нь тээвэр хамгийн их нөлөө үзүүлдэг ба эдгээр хоёр бүлэг буурахад, инфляц дагаад буурдаг байна.

Төгрөгийн хадгаламжийн үлдэгдэл буурч, долларын хадгаламж өсжээ

Төгрөгийн хадгаламж 2021 онд 33%-иар өсөж, 15.3 их наяд төгрөгт хүрсэн бол 2022 онд 12.8 их наяд төгрөг болон 16%-иар буурчээ.
Эсрэгээрээ долларын хадгаламж өнгөрсөн жил 4.1 их наяд төгрөгтэй дүйцэхүйц байсан бол энэ жил 12%-иар өсөж 4.6 их наяд төгрөг болжээ. Хачирхалтай нь 2022 он гарснаас хойш долларын ханш мөн адил 12%-иар чангарчээ.
Энэ нь хэдий санамсаргүй тохиолдол байж болох ч хадгаламж эзэмшигчдийн үйлдэлд нөлөө үзүүлжээ.

Чанаргүй зээлийн хэмжээ өмнөх оны мөн үеэс 26%-иар өсжээ

Хугацаа хэтэрсэн зээлийн үлдэгдэл 2022 оны 8 дугаар сард 1.2 их наяд төгрөг болж, өмнөх оны мөн үеэс 5.1 (0.4%) тэрбум төгрөгөөр өсжээ. Хугацаа хэтэрсэн зээлийн өрийн үлдэгдэл нийт зээлийн өрийн үлдэгдлийн 5.3%-ийг эзэлж байна.
Банкны системийн хэмжээгээр чанаргүй зээл 2022 оны 8 сарын эцэст 2.5 их наяд төгрөг болж, өмнөх сараас 394.2 (18.6%) тэрбум төгрөгөөр, өмнөх оны мөн үеэс 520.9 (26.1%) тэрбум төгрөгөөр өссөн байна. Чанаргүй зээл нийт зээлийн өрийн үлдэгдлийн 11.0 хувийг эзэлжээ.