АрдКойны талаар хэрэглэгчдийн зүгээс ирдэг түгээмэл асуултуудад Булган Ундрага ХК-ийн (КриптоҮндэстэн сан) Гүйцэтгэх Захирал Г.Мягмаржаваас тодрууллаа.
АрдКойн бол урамшууллын оноо. Харин технологийн хувьд блокчэйнд суурилан хийгдсэн Монголын хамгийн анхны бүтээгдэхүүн юм. АрдКойныг блокчэйн дээр гаргаж буйгаараа бусад төрлийн урамшууллын оноотой харьцуулахад “хувьсгал” хийсэн гэж хэлж болно. Дэлхийн том санхүү болон технологийн компаниудын идэвхитэй сонирхож, хөрөнгө оруулалт хийж байгаа салбарт манай баг хамт олон ороод аль хэдийн 3 жилийн нүүрийг үзсэн байна.
АрдКойн өөрийн өвөрмөц онцлогоороо цаашид олон асуудлыг шийдэж, хөрвөх чадвар нь нэмэгдэх ба ирээдүйд асар их боломжуудыг бидэнд нээж өгөх боломжтой.
Бусад урамшууллын оноонуудын хувьд зах зээл дээр яг хэдэн ширхэг байдаг нь тодорхойгүй буюу тоо хэмжээ нь хязгааргүй, хүссэнээрээ гаргаад түүнийгээ буцаагаад 1 төгрөгөөр тооцож хөнгөлөлт үзүүлдэг. Тэгэхээр, тухайн бизнесийн эргэлт сайжрах тусам урамшууллын онооны үнэ цэн дагаад өсөх боломжтой гэж үзэхэд, хэрэв аль нэг компани нь 10 жилийн өмнө тогтсон тоо хэмжээтэй урамшууллын оноо гаргасан бол өнөөдөр ямархуу үнэ цэнэтэй байж болох байсан талаар бодоод үзвэл сонирхолтой хариу гарах байсан болов уу. Харин АрдКойн тогтсон тоо хэмжээтэй байдгаараа өөрийн үнэ цэнээ бий болгодог.
Дэлхий дээр блокчэйн технологид суурилсан урамшууллын оноонуудаас хамгийн олон харилцагчтай, амжилттай явж байгаа төслүүдийн тоонд орж байна. Бид одоогоор 550,000 гаруй АрдКойн эзэмшигчтэй болсон. Үүнээс топ эзэмшигчдийн тоог харвал:
1,000,000 дээш АрдКойнтой 218 эзэмшигч
100,000 дээш АрдКойнтой 1161 эзэмшигч байна.
Энэ бол хамгийн чухал чанар буюу хил хязгааргүй шилжүүлэг хийх боломжтой. Та өөр улсад явж байхдаа АрдКойн бүртгэгдсэн бирж дээр заран доллар болгон данс руугаа татаад, хүссэн зүйлдээ ашигласан ч болно.
Өнөөдөр таны цуглуулсан 1,000 АрдКойн ирээдүйд 1,000 доллар болчихвол гайхалтай биш гэж үү. Энэ нь борлуулалтаа нэмэгдүүлэх маш том суваг бөгөөд ханшийн хувьд Ардын урт хугацааны ажлын үр дүн болон бизнесийн эргэлтээс хамааран тогтоно. Үүнээс гадна блокчэйн технологийн хэрэглээ нэмэгдэх тусам АрдКойны давуу талууд илүү их болж, боломжууд улам тод мэдрэгдэнэ.
Ардын компаниуд бүтээгдэхүүн үйлчилгээ авсан харилцагч нартаа АрдКойныг урамшууллаар олгодог. Энэхүү урамшуулалд олгосон АрдКойноо зах зээл дээрээс буцаан худалдан авч тасралтгүй эрэлт бий болж байдаг.
Та бүтээгдэхүүн үйлчилгээ авч цуглуулсан АрдКойноо Ард Аппын DAX цэсээр Ардын Санхүүгийн Нэгдэл ХК-ийн хувьцаагаар сольж, үйлчлүүлсэн компанийнхаа эзэн болох боломж нээлттэй.
Та Ард Шопоос сонгосон барааныхаа үнийн дүнгийн 50 хүртэлх хувийг АрдКойноороо хөнгөлүүлэн авч болно. Нэгэн онцлог шинж нь хөнгөлөлт эдлэхдээ DAX бирж дээр зарагдаж байгаа ханшаас 20 төгрөгөөр илүүгээр нэг АрдКойныг тооцуулах боломжтой.
Мөн биржээс АрдКойноо тухайн үеийн ханшаар худалдан аваад 20 хувь илүүгээр тооцуулан тэтгэврийн хуримтлалдаа хийж болно.
Бид АрдКойны үнэнч хэрэглэгчдэдээ зориулан хадгалах тусам өсөх HODL урамшуулалт хөтөлбөр зарласан. Энэхүү хөтөлбөр нь АрдКойны онцлогийг танд илүү тод харуулж чадна. Учир нь АрдКойн бол ханш хэлбэлздэг урамшууллын оноо бөгөөд энэ хөтөлбөр зарлагдсанаар хадгалсан хугацаанаас хамааран тоо хэмжээг нь өсгөх боломжтой болж байгаа юм. Өөрөөр хэлбэл, ханшийн зөрүүгээс ашиг олох боломжтой, мөн хадгалахын хэрээр хэмжээ нь ихсэх хэлбэрээрээ хөрөнгийн зах зээлийн бүтээгдэхүүнүүдийн шинжийг агуулсан цогц бүтээгдэхүүн болж илүү сайжирсаар байна.
Хэрэглэгчид маань урамшууллын оноогоо Ард Апп татах, найзаа урих зэргээр ихэвчлэн цуглуулдаг. Бид илүү олуулаа болох зорилгоор урамшуулалд олгодог АрдКойны хэмжээгээ улам нэмэгдүүллээ. /доорх зургаас харж болно/ Урамшууллын хэмжээг нэмснээр Ардын компаниуд зах зээл дээрээс эргэн худалдан авах хэмжээ нь ч нэмэгдэж өндөр эрэлт бий болж, ханшинд эерэг нөлөө үзүүлэх юм. АрдКойн эзэмшигчид өсөх тусам Койны хэрэглээ, ашиглалт илүү өргөн цар хүрээг хамарч, Монголчууд Хөрөнгө Оруулагч Үндэстэн болоход нэг том алхам ойртох юм.
Сэтгэгдлүүд (0)