"The World Ahead 2022" сэтгүүлийн редактор Том Стандежын байр сууриас хүргэж байна.
Дэлхий тэр аяараа 2021 онд цар тахлын эсрэг тэмцсэн бол 2022 онд тахлын дараах шинэ нөхцөл байдалд дасан зохицох шаардлага гарч ирлээ.
АНУ-ын дунд хугацааны сонгууль болон БНХАУ-ын Коммунист намын их хурлаар технологийн зохицуулалт, худалдаа, сансрын станцууд, вакцинжуулалт, зэрэг асуудлуудыг хамарсан 2 улсыг хамарсан улс төрийн бодлогын байр суурь тодорхойлогдоно.
АНУ-ын дунд хугацааны сонгууль – 2022 оны 11 сард
БНХАУ-ын Коммунист намын их хурал – 2022 оны 10 сард
Ковид-19 цар тахлын эсрэг шинэ эм, сайжруулсан эсрэг биетийн эмчилгээ, вакцинууд их хэмжээгээр нийлүүлэгдэж байна. Дэлхийн өндөр хөгжилтэй орнуудын вакцин хийлгэсэн иргэдийн хувьд вирус нь амь насанд аюул учруулахгүй байх боломжтой болсон хэдий ч хөгжиж буй орнуудад энэ нь үхлийн аюултай хэвээр байх болно.
Дэлхий дахинд нийлүүлэлтийн сүлжээ тасалдаж, эрчим хүчний эрэлт нэмэгдсэнээр түүхий эд, газрын тосны үнийг өсгөсөн. Төв банкууд үүнийг түр зуурынх гэж үзэж байгаа ч хүмүүс урт хугацааны асуудал хэмээн үзэж байна.
Ирээдүйд хүмүүс гэрээсээ ажиллах нь ихсэж ажил эрхлэх нөхцөл уян хатан болно.
Америк, Европын зохицуулагчид технологийн томчуудыг олон жилийн турш хязгаарлах гэж оролдож байгаа ч тэдний хурдацтай өсөлт, орлогод нь нөлөөлж чадаагүй юм. Харин саяхнаас БНХАУ технологийн томчууддаа маш хатуу хяналт тавьж эхлээд байна.
Крипто, блокчэйн, төвлөрсөн бус санхүүжилт - Хуучны уламжлалт технологийн компаниуд – Төв банкууд хоорондын тэмцэл санхүүгийн зах зээлийн ирээдүйд нөлөөлөхөөр байна.
Ойрын жилүүдэд ой хээрийн түймэр, ган, үерийн давтамж нэмэгдэж байгаа ч бодлого боловсруулагчид цаг агаарын өөрчлөлтийг багасгах арга хэмжээг хангалттай хэрэгжүүлж чадахгүй байна. 2022 онд Харвардын Их Сургуулийн нарны гео-инженерийн судалгааны баг нарны гэрлийг бүдгэрүүлэх туршилтыг хийнэ.
Эдийн засаг сэргэхийн хэрээр аялал жуулчлал эрчимжиж байгаа ч Австрали, Шинэ Зеланд зэрэг улс орнууд Коронавирусыг тэглэх стратегийн хүрээнд аялал жуулчлалын хатуу бодлогыг баримталж байна.
2022 он бол олон хүн төлбөр төлж сансарт ниссэн анхны жил байх болно.
Бээжингийн өвлийн олимп, Катарт болох хөл бөмбөгийн дэлхийн аварга шалгаруулах тэмцээн хүн төрөлхтөнийгг хэрхэн нэгдэж болдгийг сануулах боловч Спортын томоохон тэмцээн улс төрийн тоглоом болж хувирдгийг мөн харуулна.
Сэтгэгдлүүд (0)