Apple компанийн зах зээлийн үнэлгээ 3 ихнаяд ам.долларыг давлаа. 2020 онд цар тахал дэлгэрснээс хойш тус компанийн хувьцааны ханш 3 дахин өсөөд байна.
Монголын ДНБ буюу Монголын нийт эдийн засаг 13 тэрбум ам.долларт л эргэлдэж байхад Apple компани 3 ихнаяд ам.доллараар үнэлэгдэж байна. Өөрөөр хэлбэл, Apple компанийн 0.43% нь Монгол улсын эдийн засагтай тэнцэхүйц бөгөөд Apple компанийн зах зээлийн үнэлгээ нь Монгол улсын Эдийн засгаас даруй 231 дахин том гэсэн үг юм.
Түүнчлэн, iPhone үйлдвэрлэгчийн хувьцааны ханш сүүлийн жилүүдэд тогтвортой өссөөр байгаа. Тухайлбал, 2020 оны эхэнд COVID гарч дэлхий нийтээрээ хөл хорионд орох үеэс хойш хувьцааны ханш нь 200 хувийн өсөлт үзүүлээд байна. Цар тахал технологийн томоохон компаниудын олон жилийн өсөлтийг хэрхэн эрчимжүүлснийг эндээс харж болох юм.
Эх сурвалж: Bloomberg
Сэтгэгдлүүд (0)