Дотоодын үнэт цаасны нийт арилжааны дүн сүүлийн таван жилийн дээд түвшиндээ хүрлээ. МХБ дээр 2024 оны I улиралд нийт ₮204.9 тэрбумын үнэт цаас арилжаалагдсан нь өмнөх оны мөн үеэс 2.4 дахин, 2020 оноос 21.4 дахин өссөн үзүүлэлттэй байгаа юм. Нийт хувьцааны арилжаа ₮128.5 тэрбумд хүрсэн нь 2020 оны мөн үетэй харьцуулахад 13.4 дахин, өмнөх оны мөн үетэй харьцуулахад 2.4 дахин өсжээ.
Дотоодын хөрөнгийн зах зээлийн үнэлгээ 2024 оны I улиралд ₮11.8 их наядад хүрсэн нь өмнөх оны мөн үеэс 1.8 дахин өссөн үзүүлэлтийг үзүүлж байгаа юм. Харин хувьцааны хоёрдогч зах зээлийн арилжааны хөрвөх чадвар 1.0 хувь байна.
Биржийн бус зах зээл байгуулагдсанаас хойш ₮2.6 их наядыг бүртгэжээ. Үүнээс ₮1.9 их наядыг татан төвлөрүүлсэн бол 2024 оны I улиралд ₮178 тэрбумын өрийн хэрэгслийг бүртгэж, ₮207.2 тэрбумыг татан төвлөрүүлжээ.
Уул уурхайн бүтээгдэхүүний биржээр он гарснаас хойш нийт 127 удаагийн ₮2.4 их наядын арилжаа явагдсан бөгөөд үүнээс 68 удаагийн арилжаагаар 5.2 сая тонн нүүрсийг ₮2.3 их наядаар, 59 удаагийн арилжаагаар 0.4 сая тонн төмрийн хүдэр болон баяжмалыг ₮95 тэрбумаар тус тус арилжаалжээ.
БНХАУ, Хонг Конг, Сингапур нь Монгол Улстай хамгийн их уул уурхайн бүтээгдэхүүн худалдан авах хэлцэл хийсэн орнууд юм.
Дэлгэрэнгүйг: Ard News
Сэтгэгдлүүд (0)